बाजुराको बुढीगंगा नगरपालिका २ महिना देखी प्रमुख प्रशासकिय बिहिन,काम कार्वाही प्रभावित

महेन्द्रनगर:

बाजुराको बुढीगंगा नगरपालिका २ महिना देखी प्रमुख प्रशासकिय बिहिन हुँदा काम कार्वाही प्रभावित बनेको छ । प्रमुख प्रशासकिय अधिकृत प्रेमकाजी महर्जन मंसिर १७ गते सरुवा भएर गएपछि नगरपालिका २ महिना देखी प्रमुख प्रशासकिय बिहिन बनेको हो । प्रमुख प्रशासकिय अधिकृत नहुँदा आर्थिक कारोबार पूर्णरुपमा बन्द भएको निमित्त प्रमुख प्रशासकिय अधिकृत कल्पना ठगुन्नाले बताईन् । विकासे लगायत अन्य योजनाहरुको काम समेत प्रभाबित भएको छ । शिक्षकहरुले ४ महिना देखी तलब खान पाएका छैनन् । प्रमुख प्रशासकिय अधिकृत नहुदा कर्मचारी तलब खान पाएका छैनन्, त्यो सँगै नगरपालिकाको काममा लथालिङ्ग भएको स्वास्थ्य शाखा प्रमुख दिपक शाहले वताएका छन् । नगरपालिकामा कार्यरत केही कर्मचारीले आर्थिक अधिकार सहितको प्रशासकिय अधिकृतका लागि दौडधुप गरेपनि कार्यपालिकाले निणर्य नगर्ने गरेको पाईन्छ । कर्मचारीनै राजनिति खिचातानि गर्ने, एकले अर्कोलाई स्वीकार नगर्ने भएकाले कार्यपालिकाले निणर्य गर्न नसकेको एक कार्यपालिका सदस्यले वताएका छन् ।