बालिकालाई जवर्जस्ती करणी गरेको आरोपमा कञ्चनपुरका एकजना पक्राउ

महेन्द्रनगर । बाजुरामा बालिकालाई जवर्जस्ती करणी गरेको आरोपमा कञ्चनपुरका एकजना पक्राउ परेका छन् । पक्राउ पर्नेमा कन्चनपुर शुक्लाफाटा नगरपालिका ८ स्थित झलारी घर भई हाल बाजुराको सेती, कर्णाली एकेडेमी बोड्रिङ स्कुलमा अध्यापन गराउदै आएका शिक्षक भिम ठगुन्ना रहेका छन् ।
उनले राती होटलमा सुतीरहेकी एक बालिकालाई जवर्जस्ती करणी गरेको भन्दै आफन्तले मुद्धा दिएपछी पक्राउ गरेको जिल्ला प्रहरी कार्यालय बाजुराले जनाएको छ । उनलाइ प्रहरीको अनुसन्धान पछि पक्राउ गरीएको जिल्ला प्रहरी कार्यालय बाजुराले जनाएको छ । उनलाई माघ २३ गते पक्राउ गरी जिल्ला अदालतमा म्याद थपेर जिल्ला प्रहरी कार्यालय बाजुराको हिरासतमा राखेर अनुसन्धान भईरहेको प्रहरीले जनाएको छ ।