राधाकृष्ण जोशी (ज्वाला)ले अनाथ बालबालिकाहरुसंग मनाए जन्मदिन

महेन्द्रनगर । समाजसेवी तथा नेकपा एमालेका नेता राधाकृष्ण जोशी ज्वाला ले आफ्नो जन्मदिन अनाथ बालबालिकाहरुसंग मनाएका छन् ।                                                                                                बिहिवार आफ्नो जन्मदिनको उपलक्ष्यमा समाज कल्याण अंचल बाल अनाथालयमा रहेका वालवालिकासंग आफनो जन्मदिन मनाएको उनले बताए । वालवालिका लाई ४ कट्टा चावल, दाल, तेल,आटा, मासु र फलफुल सामाग्री बितरण गरेको बताय।                                               
महंगो खर्च गरेर होटेलमा गएर जन्मदिन मनाउनु भन्दा र खर्च गर्नु भन्दा अनाथ वालवालिकाको मुहारमा खुशी दिनको लागि आफुले उनिहरुसंग आफ्नो जन्मदिन मनाएको उनले बताए ।                                              साना साना बाबु नानीहरुसंग रहेर आफ्नो जन्मदिन मनाउन पाउँदा भित्रै देखी आफुलाई खुशी महशुस भयको उनले बताए । साथै अब देखी सबैले आफ्नो जन्मदिन यस्तै वालवालिकाहरुको मुहारमा खुशी दिनको लागि वालगृह अनाथ वालवालिकासंग मनाउन आग्रह समेत गरेका छ्न ।