युवा संघले माधव नेपाललाई नेता मान्न नसकिने

महेन्द्रनगर । राष्ट्रिय युवा संघ नेपालका पूर्व अध्यक्ष बचनबहादुर सिंहले माधम नेपाललाई नेता मान्न नसकिने बताएका छन् । सोमबार प्रेस चौतारी कञ्चनपुरले आयोजना गरेको पत्रकार सम्मेलनमा उनले अब नेपालविनाको एमाले बन्ने बताएका हुन् ।

‘एमालेमा माधव नेपालको कुनै स्थान छैन्,’ उनले भने, ‘नेपाल समुहले गद्धारी गरेको छ ।’ व्यवस्थापिका र कार्यपालिकामाथि न्यायपालिका हाबी भएको उनको आरोप छ । ‘शेरबाहादुर देउवालाई प्रधानमन्त्री बनाउन परमादेश जारी गर्नुले पनि यो कुरालाई पुष्टि गर्छ,’ उनले भने, ‘हामीलाई हाम्रो सरकार ढलेकोमा दुःख छैन, तर अदालतले गरेको निर्णयले दुखि बनाएको छ ।

युवा संघमा आवद्ध युवालाई व्यवसायतिर जोड्ने लक्ष्य रहेको पूर्व अध्यक्ष सिंहले बताए । ‘अब युवाहरु व्यवसायसँगै राजनिति गर्नुपर्छ,’ उनले भने, ‘त्यसका लागि हामी हातेमालो गरेर अगाडी बढ्छौं ।’

राष्ट्रिय युवा संघ नेपालले देशभर ५ लाख बिरुवा वृक्षारोपण गर्ने उनि बताउँछन् । साथै उनले भदौं पहिलो सातासम्म पालिका स्तरिय समिति गठन गरिने बताए । ‘भदौको पहिलो सातासम्म युवा संघको पालिका स्तरिय समिति गठन गरिसक्छौं,’ उनले भने, ‘त्यसपछि प्रदेश स्तरीय भेला गर्छौ ।’