मोटरसाइकलले साइकललाई ठक्कर दिँदा ३ जना घाइते, २ को अवस्था गम्भिर

महेन्द्रनगर । कञ्चनपुरमा मोटरसाइकलले साइकललाई ठक्कर दिँदा तीन जना घाइते भएका छन् । वेदकोट नगरपालिका–३ सामादैजी स्थित खेमे नाला मैदामिल नजिक से ३ प ५२६३ नम्बरको मोटरसाइलले साइकललाई ठक्कर दिएको जिल्ला प्रहरी कार्यालयले जनाएको छ ।
दुर्घटनामा साइकल यात्री सामादैजीकै ७६ वर्षीय मिनबहादुर साउद, मोटरसाइकल चालक शुक्लाफाँटा नगरपालिका–८ का अन्दाजी २६ वर्षीय डम्मरसिंह बोहरा र पछाडि सवार ५० वर्षीय काशिसिंह साउद घाइते भएका छन्। उनीहरु तीनै जनाको धनगढीस्थित निसर्ग अस्पतालमा उपचार भइरहेको जिल्ला प्रहरी कार्यालय कञ्चनपुरले जनाएको छ ।
मोटरसाइकल चालक बोहरा र साइकल यात्री साउदको अवस्था गम्भीर रहेकोे बताइएको छ । घटनाबारे थप अनुसन्धान भइरहेको प्रहरीले बताएको छ ।