बिहेका लागि राती खुलेको सीमापुलमा चरेस तार्दा महिलाको भयो यो हाल

महेन्द्रनगर । दार्चुलामा रहेको सिमा पुल राती बिहेको लागि खोलिएको समयमा एकजना महिलालाई चरेशसहित भारतिय प्रहरीले पक्राउ गरेको छ । सदरमुकाम खलंगा र भारतको धार्चुला जोड्ने सीमापुलबाट एक जना नेपाली महिलालाई भारतीय एसएसबीले चरेस सहित पक्राउ गरेको हो ।
दुँहु गाउँपालिका वडा नं २ हिकिला घर भएकि अन्दाजी ४० वर्षिया सरिता बडाललाई आइतबार २ सय ७० ग्राम लागूऔषध चरेस सहित पक्राउ गरिएको पुलघाट प्रहरी पोस्टका इन्चार्ज सहायक प्रहरी निरीक्षक भरत बहादुर बोहराले मानसखण्डलाई जानकारी दिएका छन् ।
फागुन ७ गते साझँ साढे सात बजे बिहेका लागि सीमापुल खोलिएको सीमापुलमा चरेश लगेर भारत प्रवेश गर्न लागेकी बडाललार्ई भारतीय एसएसबीले चेकजाँच गर्दा चरेश फेला परेको उनले बताए ।
“नेपाली महिला भारतमा चरेस सहित पक्राउ परेको जानकारी भारतीय पक्षले दोस्रो लिन मात्रै खबर गय्रो ।” पुलघाट प्रहरी पोस्टका इन्चार्ज सहायक प्रहरी निरीक्षक बोहराले भने, “अहिले ति महिलालाई भारतीय अदालतको आदेशमा डीडीहाट जेलमा राखिएको छ ।”