धनगढीमा हत्या गरिएका युवक भारतिय नागरिक

महेन्द्रनगर:

धनगढीमा बेवारिसे अवस्थामा फेला परेको शव भारतिय नागरिकको रहेको खुल्न आउको छ । उनका भाईले आफनो दाजु भारतको उत्तरप्रदेशस्थित शाहजापुरा बस्ने ४२ वर्षीय कुल्दीप गुप्ताको रहेको पहिचान गरेका छन् । कैलाली प्रहरीका प्रवक्ता प्रहरी नायब उपरीक्षक (डिएसपी) वेदप्रकाश जोशीले आईतवार उनी धनगढीस्थित भाइको कोठामा रक्सी खाएर पुगेको र त्यहाँबाट ५० रुपैयाँ लगेर गएको भन्ने अनुसन्धानबाट खुलेको बताए । मृतकको शरिरमा चोट र काठ तथा फलामे सरियाले हिर्काएर मारेको हुन सक्ने बताईएको छ । घटनास्थलमा काठको डन्डी पनि भेटिएको प्रहरीले जनाएको छ । शवको पोष्टमार्टम भइरहेको र थप अनुसन्धान भइरहेको डिएसपी वेदप्रकाश जोशीले जानकारी दिएका छन् ।