सैद्धान्तिक रुपमा आफ्नो पार्टी स्थानिय निर्वाचनमा कुनैपनी पार्टी सङ्ग नमिल्ने, प्रकाशचन्द्र लोहनी

कंचनपुर:

मिडिया नेपाल कंचनपुरको आयोजनामा राष्ट्रिय प्रजातन्त्र पार्टीको पत्रकार सम्मेलन कार्यक्रम सम्पन्न भएको छ । मिडिया नेपाल कंचनपुरका अध्यक्ष धुर्व अवस्थीको अध्यक्षतामा महेन्द्रनगर स्थित कलश होटलको सभाहलमा रा.प्र.पा. का वरिष्ठ नेता तथा पुर्व अध्यक्ष समेत रहेका प्रकाशचन्द्र लोहनीले पत्रकार सम्मेलनमा बोल्दै सैद्धान्तिक रुपमा आफ्नो पार्टी स्थानिय निर्वाचनमा समेत कुनैपनी पार्टी सङ्ग नमिल्ने समेत बताएका छन ।
पत्रकार सम्मेलनमा पत्रकारहरुको प्रश्नको उत्तर दिने क्रममा वरिष्ठ नेता लोहनीले भने, राष्ट्रिय प्रजातन्त्र पार्टीले सबै धर्मको सद्भाव राख्दछ तर नेपाल हिन्दु राष्ट्र हुनुपर्दछ ।
नेपालको खस्किदो मौद्रिक नीति बारे बोल्दै लोहनीले भने देशमा आर्थिक संकट आइनसकेको तर संकट तर्फ मुलुक ढल्किसकेको र समयमै सरकारले यसबारे नसोचे राष्ट्र नै आर्थिक संकटमा जाने देखिन्छ ।
मुलुकमा मौद्रिक संकट भइरहेकै बेला सरकारले गभर्नर लाई हटाउनु नराम्रो पक्षको रुपमा रहेको समेत नेता लोहनीको भनाइ रहेको थियो ।