कैलाली बहुमुखी क्याम्पस समायोजनको माग अघि सार्दै उपकुलपतिलाई ज्ञापन

कञ्चनपुर:
झण्डै १६ महिना अघि सुदूरपश्चिम विश्विद्यालयमा आंगिक क्यापसको रुपमा गाभिएको कैलाली बहुमुखी क्याम्पसको समायोजन प्रकृया अघि बढाउन माग अघि सारिएको छ । बिहीबार कैलाली बहुमुखी क्याम्पसका कर्मचारी प्राध्यापकले समायोजन प्रकृया अघि बढाउन उपकुलपति डा.अमराज जोशीलाई ज्ञापन पत्र बुझाएका छन । कैलाली बहुमुखी क्याम्सका प्राध्यापक तथा नेपाल प्राध्यापक सघका इकाई सभापति डा. लोक बहादुर विष्टले समायोजन प्रकृया अघि बढाउन उपकुलपति डा. जोशीलाई ज्ञापन पत्र बुझाएको बताए । ‘समायोजनका काम अघि नबढ्दा शैक्षिक कार्यक्रममा थुप्रै समस्या आएका छन, ‘उनले भने, ‘हामीले यथाशिघ्र अघि बढाउन ज्ञापन पत्र बुझाएका छौँ ।’ माग पुरा नगरे आन्दोलनको चेतावनी दिएका छन ।