वडा प्रहरी नजिकै रहेको पाठक डेरी बिक्री केन्द्रमा चोरी

कंचनपुरको सदरमुकाम भिमदत्तनगरमा हिजो राती एक डेरीमा चोरी भएको छ । भिमदत्त बजारमा रहेको बसपार्कको पुर्व पट्टि र वडा प्रहरी कार्यालयबाट पश्चिम तर्फ नजिकै रहेको पाठक डेरी बिक्री केन्द्रमा राती १२:०० बजे चोरी भएको हो ।

महानन्द पाठकले संचालन गरेको पाठक डेरी बिक्री केन्द्रमा सटरको ताला तोडी गल्लामा रहेको २००००/- ( बिस हजार रुपैया) नगद रुपैया चोरी गरि लगेको छ ।

पसल भित्र रहेको CC क्यामरामा चोरले चोरी गर्दै गरेको दृश्य समेत देखिएको छ । डेरी संचालक महानन्द पाठकले पश्चिम आज सङ्गै बोल्दै भन्छन , “ताला लगाएको पसलमा यसरी चोरी हुदा आफ्नो पैसा चोरी भएको र प्रहरी प्रशासनमा आफुले उजुरी दिएको छु र प्रहरी प्रशासनले छिट्टै नै चोर समाती मलाइ न्याय दिने कुरामा आफू ढुक्क रहेको ” ।

वडा प्रहरी कार्यालय नजिकै रहेको पसलमा यसरी चोरी भएकोमा वडा प्रहरी कार्यालय इन्चार्ज प्रहरी निरिक्षक प्रकाश सिंह भण्डारी भन्छन , हामी आफ्नो तर्फबाट चोरी देखि सम्पुर्ण क्रियाकलाप नहुन दिन लागीपरेका छौ तै पनि यस्ता घटनाहरु घटिरहेका छन , हामी छिट्टैनै चोर समात्ने छौ ।