भिमदत्त नगरपालिका का लागि रा.प्र.पा. बाहेक अन्य कुनै बिकल्प नरहेको:हेलेन श्रेष्ठ

भिमदत्तमा रा.प्र.पा. सम्भावना बलियो

कंचनपुर:
स्थानिय निर्वाचनमा दलहरु बिच प्रचार-प्रसारको प्रतिस्पर्धा चलिरहेकै छ । राजनितिक हिसाबले ठुला मानिएका दलहरु गठबन्धनको विरोध खेपिरहेकै अवस्था पनि हो ।
उसो स्थानिय तहको निर्वाचनमा केन्द्रिय निर्णयहरुले त्यति असर पारेको कंचनपुर जिल्लाको राजनितीमा देख्न पाइएन , तैपनी जनता भने पछिल्लो समयहरु भन्दा फरक धारमा आएको पाइन्छ ।
कंचनपुर जिल्लाकै प्रतिस्पर्धात्मक थलोको रुपमा रहेको भिमदत्त नगरपालिकामा समेत यो पाली प्रमुख तथा उपप्रमुखको पदमा ठुला दलहरु भन्दा राष्ट्रिय प्रजातन्त्र पार्टी सङ्ग जनलहर रहेको पाइएको छ ।
उपप्रमुख पदकी उम्मेदवार हेलेन श्रेष्ठका अनुसार जनताले पटक-पटक गरि काङ्ग्रेस र एमालेलाई विश्वास गरेर त्यसको फल भोगिसकेका छन त्यसैले जनताको माग बमोजिम मैले उम्मेदवारी दर्ता गराएकी हु ।

भिमदत्तनगर देशकै पुरानो नगरपालिका मध्येको एक नगरपालिका हो जसको विकाश भने हुनु पर्ने गतिमा नभएको भिमदत्त बासीहरुको गुनासो छ । त्यसैले पनि भिमदत्त नगर बासीहरुले ठुला दलको बिकल्प खोजिरहेका छन ।
पछिल्लो समयको भिमदत्त नगरपालिका सन्चालकहरु लाई विभिन्न आरोप समेत लागि मुद्दा समेत परिसकेको अवस्था रहेको छ ।
राष्ट्रिय प्रजातन्त्र पार्टीले भिमदत्त नगरपालिकामा दिन दिनै घर दैलो कार्यक्रम समेत संचालन गरिरहेको छ । नगरपालिकामा रहेका विभिन्न वडाहरु बाट समेत राष्ट्रिय प्रजातन्त्र पार्टी लाई नै यसपाली प्रमुख तथा उपप्रमुखको जिम्मेवारी दिने भिमदत्त नगरबासीहरुको रहेको बुझिन्छ ।