एमाले बेलौरीमा बबण्डर, ओली बेलौरी आएपनि एमालेमा नेता कार्यकर्ता बाँगी उम्मेदवारकै पक्षमा

कञ्चनपुर:

नेकपा एमाले बेलौरी नगरपालिकामा बबण्डर मच्चिएको छ । टिकट वितरणमा आफन्त निकटलाई दिएको भन्दै असन्तुष्टी रहेको एमालेमा थप विवादले बबण्डर नै मच्चिएको छ ।

बेलौरी नगरपालिका १०मा लाल बहादुर चौधरीले एमाले आधिकारिक उम्मेदवार लोकेन्द प्रशाद जोशी बिरुद्धमा उम्मेदवारी दर्ता गरेर चुनावी मैदानमा उत्रिएका छन । एमाले बेलौरीका नेता लाल ब. चौधरीले वडाध्यक्षमा स्वतन्त्र उम्मेदवारी दिएका छन । उनका प्रचारमा राम प्रशाद जोशी, रामललाल चौधरी झत्त बहादुर चन्द खटिएपछि उनीहरुलाई पनि कार्बाही गर्ने चेतावनी दिईएको छ । नेकपा एमाले बेलौरी नगर अध्यक्ष बाबुराम न्यौपाले हस्ताक्षर गरेको प्रेस विज्ञप्तीमा लाल ब. चौधरी सहित प्रस्तावब कोपीला चौधरी र सर्मथक पतिराम चौधरीलाई कार्बाहीका लागि सिफारिस गरेको छ । गत बिहीबार एमाले अध्यक्ष केपी शर्मा ओली बेलौरी आएपनि एमालेमा देखिएको बैमनस्यता र बबण्डर भने न्यूनिकरणको साटो झन चर्किदै गएको छ ।