अधुरा योजना पुरा गर्छु  दोधारा चाँदनी–८ वडाध्यक्षका उम्मेदवार रोकाया

दोधारा:

नेकपा एमालेका नेता ओंम प्रकाश रोकाया यतिबेला दोधारा चाँदनी नगरपालिका–८ वडाध्यक्ष पदको दौडमा रहेका छन् । उनि यस अघि दोधारा चाँदनी नगरपालिका वडा नं. ८ को वडाध्यक्ष पदमा रहेका हुन् । वडाध्यक्ष पदबाट राजिनामा दिएर चुनावमा होमिएका छन् ओम प्रकाश रोकाया । यस अघि ०७४ सालको निर्वाचनमा रोकाया वडा अध्यक्ष पदमा भारी मतले निर्वाचित भएका हुन् ।

लामो समय देखि राजनितिक यात्रा गरेका उनि २०४७ सालमा दोधारा चाँदनी नगरपालिका वडा नं. ८ बाट वडाध्यक्ष पदमा निर्वाचित भए संगै अरु वडा भन्दा बढी बिकास निर्माणका कार्य गरेका छन् । जगबुडा नदीमा तबटन्ध, सुन्दरनगर खेल मैदान लगाएत उनले गरेका ठुला योजनाहरु छन् ।

वडाध्यक्ष हुदा आफ्नो वडामा सबै भन्दा बढी बजेट भित्र्याउन काम गरेको उनको चर्चा सर्वत्र रहदै आएको हो । ‘मैले यस अघि वडा अध्यक्ष भएर अघि बढाएका केही योजना पुरा गर्न बाँकी छ्, ‘उनले भने, ‘केही अधुरा छन, तिनीहरुलाई पुरा गर्छु ।’ पार्टी र जनताको साथ सर्मथनबाट आफु वडाध्यक्षको उम्मेदवार बनेको उनको भनाई छ् । राजनीति संगै समाजिक क्षेत्रमा जोडिएका ओंम प्रकाश रोकायाले वडालाई डिजिटल वडा बनाउने योजना अघि सारेका छन् ।