जनप्रतिनीधि राहत कोष स्थापना गर्दै निशुल्क एम्बुलेन्स दिने पालिकाको निर्णय

डडेलधुराको गन्यापधुरा गााउपालिकाले जनप्रतिनिधि राहत तथा पुर्नस्थापना कोष स्थापना गर्ने निर्णय गरेको छ । प्रधानमन्त्री शेर बहादुर देउवाको गृह पालिका समेत रहेको गन्यापधुरा गाउंपालिकाले निर्वाचित जनप्रतिनिधि हरुले पाउने सेवासुविधाको दश प्रतिशत रकम कोषमा जम्मा गरि असाहाय, गरिव तथा बिपन्न नागरीक हरु लाई आर्थिक सहायता दिने निर्णय गरेको हो ।
मंगलवार बसेको गन्यापधुरा गाउंपालिको कार्यपालिका बैठकले जनप्रतिनिधि राहत तथा पुर्नस्थापना कोष स्थापना गर्ने निर्णय गरेको गाउंपालिका अध्यक्ष ईन्द्र बहादुर कार्किले बताउनु भयो । यसका साथै बैठकले असाहाय, जेष्ठ नागरीक, सुत्केरी महिला तथा भैपरि आउने समस्यामा गाँउपालिका वासिलाई निःशुल्क एम्बुलेन्स सेवा प्रदान गर्ने निर्णय समेत गरिएको अध्यक्ष कार्किले बताउनु भएको छ ।
पालिकाको पहिलो बैठकले गरेको निर्णय स्थानीयको सहजताका लागि प्रभावकारी र लाधदायक हुने गाउंपालिका प्रमुख प्रशासकिय अधिकृत दिलिप कुमार तामाङले बताएका छन ।
गाउंपालिको कार्यपालिका बैठकले गरेका उक्त जनमुखि निर्णयहरुलाई कार्यबिधि बनाई छिट्टै लागु गरिने समेत गााउपालिकाले जनाएको छ ।