भरुवा बन्दुक सहित दुई जना पक्राउ

नेपाल सरकारले पटक पटक जनता माझ आफू सङ्ग भएका हात हतियारहरु नजिकको प्रशासनमा बुझाउने भन्ने सुचनाहरु प्रकाशित गरेको भएतापनी पटक पटक हातहतियार सम्बन्धी घटनाहरु भइरहेका पाइन्छन । यस्तै एउटा घटना आज बैतडी जिल्लामा डिलाशैनी गाउँपालिका वडा नं ४ मठैराजस्थित चौंसालको जंगलमा भएको छ । जङ्गलबाट दुईजना लाई भरुवा बन्दुक सहित प्रहरीले पक्राउ गरेको छ। पक्राउ पर्नेमा दोगडाकेदार गाउँपालिका वडा नं ८ का ४० बर्षीय हिक्मतबहादुर बिष्ट र डिलाशैनीकै ४ नम्बर वडा का २१ बर्षीय राजेन्द्रबहादुर बिष्ट रहेका छन । उनीहरुको साथबाट एकनाले भरुवा बन्दुक दुईथान सहित त्यसमा लाग्ने छर्रा र बारुद समेत बरामद गरिएको छ । यस्तै घोरलको जस्तो देखिने टाउको, घोरलको जस्तै देखिने दुई थान छाला र १५ केजी मासु पनि उनीहरुबाट बरामद गरिएको छ यो बिषयमा डिभिजन वन कार्यालयसंग समन्वय गरेर घटनाका बारेमा थप अनुसन्धान भइरहेको छ ।