महेन्द्रनगरमा लागूऔषध विरुद्ध जनचेतनामूलक ऱ्याली

महेन्द्रनगर:
लागूऔषध दुरुपयोग तथा ओसारपसार विरुद्धको अन्तराष्ट्रिय दिवस आज (आइतबार) विभिन्न कार्यक्रम गरि मनाइदैछ । पछिल्लो समयमा लागूऔषध दुरुपयोग ओसार पसार बढ्दो क्रममा छ ।

प्रमुख जिल्ला अधिकारी श्री रामप्रसाद पाण्डेको संयोजकत्वमा देहाय सुरक्षा निकायका पदाधिकारी, कर्मचारी एवं सहभागीहरुको उपस्थितिमा लागू औषध दुरुपयोग तथा ओसारपसार विरुद्धको अन्तर्राष्ट्रिय दिवस सफल पार्न प्रभातफेरी कार्यक्रम मनाएको छ ।

लागूऔषधको दुरुपयोग रोकथाम तथा नियन्त्रणका लागि जनचेतना मूलक कार्यक्रम गरि हरेक वर्षको जून २६ तारिकका दिन यो दिवस मनाउने गरिन्छ । महेन्द्रनगरमा लागूऔषध दुरुपयोग सम्बन्धमा जनचेतनामुलक र्याली निकालिएको छ ।

महेन्द्रनगर जिल्ला प्रशासन बाट सुरु भएको लागूऔषधविरुद्ध चेतनामूलक ऱ्याली महेन्द्रनगर बजार मदनचोक हुँदै जिल्ला प्रशासनमा सम्पन्न भएको थियो ।

उक्त र्यालीमा प्र.जी.अ राम प्रसाद पाण्डे,प्र.उ श्याम सिंह चौधरी,स.प्र.उ अम्मर बहादुर,कमल प्रसाद भट्टराई,प्र.नि सिताराम विष्ट,प्र.नि प्रकाश सिंह भण्डारी,नि.डि.व. अ. विशेश्वर प्र. जोशी ब.प.चि. डी. पान सिंह ठगुन्ना,प्र.ह पुष्कर सिंह धामी लगायतको सहभागिता थियो ।