आसन्न निर्वाचनलाई लक्षित गर्दैै नेकपा एमालेले सम्पर्क कार्यालय स्थापना गर्ने

दोधारा चाँदनी । आसन्न प्रदेश सभा र प्रतिनिधी सभाको निर्वाचनलाई लक्षित गदै नेकपा एमालेले दोधारा चाँदनी नगरपालिकामा वडा–वडामा सम्पर्क कार्यालय स्थापना गर्ने भएको छ् । नेकपा एमाले दोधारा चाँदनी नगरकमिटिको आजको बैठकले दोधारा चाँदनी नगरपालिकाको दशै वटै वडामा पार्टीको सम्पर्क कार्यालय स्थापना गर्ने निर्णय गरेको नेकपा एमाले दोधारा चाँदनीका ईन्चार्ज राजिव खड्काले जानकारी दिएका छन् । आसन्न निर्वाचनलाई लक्षित गर्दै पार्टीको भातृत्व संगठनलाई समेत सशक्त बनाउन बिभिन्न खाले कार्यक्रम तथा भेटघाट गरिने बताईएको छ् । सबै टोलको केन्द्र बनाएर वडाहरुमा पार्टीको सम्पर्क कार्यालय स्थापना बताईएको छ् । आउदो सोमवार साबिकको दोधारा र चाँदनी गाबिसको अलग अलग स्थानमा आउदै गरेको दशै, तिहार र छटको शुभकामना आदान प्रदान कार्यक्रम गर्ने निर्णय भएको नेकपा एमाले दोधारा चाँदनी नगर ईन्चार्ज राजिव खड्काले बताएका छन् । नेकपा एमाले दोधारा चाँदनीका नगर अध्यक्ष हरिसिह धनाडीको अध्यक्षमा बसेको नगरकमिटिको बैठकमा नेकपा एमाले दोधारा चाँदनीका ईन्चार्ज राजिव खड्का, नेकपा एमाले प्रदेश कमिटि सदस्य चिनी ओझा गिरी, दोधारा चाँदनी नगरपालिकाका मेयर किशोर कुमार लिम्बु, नेकपा एमाले कञ्चनपुर जिल्ला सदस्य चन्द्र सिंह धामी, गगन खत्री लगाएत नगरकमिटिका पाधिकारीहरुको उपस्थिती रहेको थियो । आउदो निर्वाचनमा पार्टीलाई अझ कसरी सशक्त बनाएर लैजाने बिषयमा ब्यापक छलफल गरिएको थियो ।