निर्वाचन आचार सँहिता मिच्दै भीमदत्तका कार्यपालिका सदस्य अवस्थी भए सत्ता गठबन्धनको चुनावी कमाण्डर

महेन्द्रनगर । भीमदत्त नगरपालिका ५ का वडा अध्यक्ष पदमराज अवस्थी सत्ता सत्ता गठबन्धनको प्रदेश सभा सदस्य निर्वाचन परिचानल समितिका संयोजक भएका छन् । निर्वाचन आचार सँहिता मिचेर उनी प्रदेश निर्वाचन परिचालन समितिको नेतृत्व गरी चुनावी प्रचारमा सक्रिय भएका छन् ।
उनी निर्वाचन क्षेत्र नं. ३ क का प्रदेश सभा सदस्य निर्वाचन परिचालन समितिका संयोजक भएका हुन् । निर्वाचन आचार सँहिताले स्थानीय कार्यपालिका सदस्यलाई निर्वाचन प्रचारप्रसारमा रोक लगाएको छ ।
भीमदत्तका कार्यपालिका सदस्य अवस्थी भने आचार सँहिता मिचेर काँग्रेस केन्द्रीय सदस्य रमेश लेखक र प्रदेश सभा सदस्यका उम्मेदवार टेकेन्द्र प्रसाद भट्टको चुनावी प्रचारमा सक्रिय भएर लागेका छन् ।
उनी आइतबार प्रदेश सभा सदस्य निर्वाचनको सम्पर्क कार्यालय उद्घाटनमा उम्मेदवारसंगै देखिएका छन् । प्रदेश सभा सदस्य निर्वाचन प्रचारको सह संयोजकमा भने माओवादी केन्द्रका दिपक साउँद छन् ।