बुधवार १ सय ७२ जनामा संक्रमण पुष्टि,भीमदत्तका २९ जनामा कोरोना

महेन्द्रनगर । कञ्चनपुरमा बुधवार १ सय ७२ जनामा संक्रमण पुष्टि भएको छ । भीमदत्त नगरपालिकामा आज २९ जनामा कोरोना संक्रमण पुष्टि भएको छ । पश्चिमी सिमानाका गड्डाचौकी भएर भारतबाट आउने नेपाली दाजु भाईहरुमा परिक्षण गर्दा संक्रमितको संख्यामा वृद्धि भएको जिल्ला स्वास्थ्य कार्यालयको तथ्याङकले देखाएको छ ।
आज एन्टिजिन बिधीबाट गरिएको परिक्षणमा १ सय ३० जना पिसिआर परिक्षणबाट ४२ जनामा कोरोना पुष्टि भएको हो । आज कोरोना पुष्टि हुनेमा भीमदत्तमा २९ जना, दोधारा चाँदनीमा १३ जना, वेदकोटमा ३ जना, शुक्लाफाँटामा ९ जना, पुर्नवासमा १३ जना, कृष्णपुरमा १३ जना, बेलौरीमा २५ जना लालझाडीमा १३ जना र गडडाचौकीमा ५४ जनामा कोरोना संक्रमण पुष्टि भएको जिल्ला स्वास्थ्य कार्यालयले जारी गरेको सुचनामा उल्लेख गरिएको छ । यो सहित कञ्चनपुरमा कोरोना संक्रमितको अहिले सम्मको संख्या १० हजार ३ सय १२ पुगेको छ ।
जिल्लामा सक्रिय संक्रमितको संख्या १ हजार ५ रहेको छ । आज १ सय ४४ जनाले कोरोना जितेर घर फर्किएका छन् । अहिलेसम्म कोरोनालाई जित्नेको संख्या ९ हजार ८५ रहेको छ । कोरोनाबाट मृत्यु हुनेको संख्या २ सय ६ पुगेको छ ।