एनआरएनए युएइको सचिबमा ,सिन्धुपाल्चोकका कुमार श्रेष्ठको उम्मेद्वारी

श्रेष्ठका सामाजिक कार्यहरु के के हुन?

श्रेष्ठ युएमा सन २००८ देखि श्रमका सिलसिलामा आउनु भएको हो। ट्याक्सी चालकको रुपमा कार्यरत श्रेष्ठले सामाजिक सस्थामा रहेर होस वा नहोस ,आफुले गर्न सकेको सहयोग विभिन्न समयमा गर्दै आउनु भएको छ। चाहे बिदेशमा अलपत्रमा परेका नेपाली दाजुभाइ तथा दिदिबहिनीहरुको घाउमा मलम पट्टि गर्न होस वा विभिन्न कारण बस कम्पनीमा समस्यामा परेका नेपाली दाजुभाइ तथा दिदिबहिनीहरुलाई नै किन नहुन अथवा भिजिट भिसामा युएइ आइ अलपत्र परि पार्कमा बस्न बाध्य नेपालीहरुलाई उद्घार तथा खानपान बन्दोबस्तीका लागि श्रेष्ठले अहोरात्र खटेर काम गर्दै आउनु भएको छ। तेस्तै नेपालमा जुरे पहिरो जादा सहयोग होस वा कोरोना संक्रमणकालमा समस्यामा परेकालाई उद्घार तथा सहयोगका लागि युएइमा श्रेष्ठको नाम अग्रपंतिमा आउँछ।

श्रेष्ठ एनआरएनए युइको सचिबको उम्मेद्बारी नै किन ??

गैर आबासीय नेपाली संघ( NRNA) युएइका सचिब उमेदवार कुमार श्रेष्ठ युइमा सबै नेपाली समुदायले चिनेको सामाजिक ब्यक्तित्व हुनु हुन्छ। पछिल्लो समय आफ्नै ब्याबसाय गर्दै आउनु भएका श्रेष्ठ भन्नू हुन्छ:

“अहिले सम्म १५ सालको प्रबास बसाइमा युएइ होस वा नेपालमा धेरै सामाजिक कार्यहरु गरे। यसलाई अझ निरंतरता दिने छु। विशेष गरि युएइ दुनियाँ कै ट्रान्जिट पोइन्ट भएकोले सम्पुर्ण नेपाली दाजुभाइ तथा दिदिबहिनीहरु यहाँ ठोकिनु हुन्छ । कति को त सहज हुन्छ त कति जानि नजानी धेरै समस्यामा परेको देखेको छु । यहाँ अन्य सामाजिक संघ सस्थाहरु र दूतावास संग समन्वय गर्दै यस्ता सामाजिक कार्यहरुमा महिले सहयोग गर्दै आए पनि अब अझ शशक्त तरिकाले गर्न एनआरएनए युएइको सचिबको भुमिकामा मेरो स्थान महत्त्वपूर्ण सम्झेको छु ।”