४० ग्राम लागु औषध (खैरो हिरोईन) सहित ३ जना पक्राउ

कैलाली:
कैलालीमा ला.औ. खैरो हिरोईनको बिक्री बितरणमा एउटा समुह नै सक्रिय रहेको भन्ने बिशेष गोप्य आधारमा प्रहरी टोलीले उक्त समुहको खोज तलास गर्ने क्रममा जिल्ला कैलाली धनगढी उप-महानगरपालिका ०१ स्थित सेती प्रादेशिक अस्पताल नजिकै शंकास्पद रुपमा हिड्डुल गरिरहेको अवस्थामा जिल्ला कञ्चपुर पुनर्वास न.पा. ०१ बस्ने बर्ष ४२ को डब बहादुर तामाङलाई शंका लागि चेकजाँच गर्दा साथबाट ३० ग्राम ला.औ. (खैरो हिरोईन) सहित पक्राउ गरी थप अनुसन्धान गर्दा ऐ.ऐ. ०२ स्थित त्रिनगर भन्सारमा शंकास्पद रुपमा हिडिरहेको अवस्थामा जिल्ला कञ्चनपुर पुनर्वास न.पा. ०१ बस्ने बर्ष ३५ को कान्छा तामाङलाई फेलापारी चेकजाँच गर्दा साथबाट ला.औ. (खैरो हिरोईन) १० ग्राम र ऐ.ऐ. ०३ स्थित ट्राफिक चौराहमा शंकास्पद रुपले हिडिरहेको अवस्थामा जिल्ला कञ्चनपुर पुनर्वास न.पा. ०१ बस्ने बर्ष २८ की अन्जु सार्कीलाई फेलापारी निजको साथबाट नगद रू.४९,०००।- फेलापारी नियन्त्रण लिई थप अनुसन्धान भइरहेको प्रहरीले जनाएको छ ।