शिवरात्रीसंगै शिवनगरमा भलिबल प्रतियोगिता

शिवरात्रीसंगै कञ्चनपुरको दक्षिणी क्षेत्र शिवनगरमा भलिबल प्रतियोगिता भएको छ । बेलौरी नगरपालिका १०शिवनगरमा रहेको सिद्धेश्वर जय पृथ्वी क्लबको आयोजनामा भलिबल प्रतियोगिता आयोजना गरिएको हो । शिवरात्री लक्षित गरेर आयोजना गरिएको भलिबल प्रतियोगिताको बुधबार एक कार्यक्रमका विच समापन गरिएको छ ।
जिल्लाकै पुराना खेलाडी समेत रहेका नारायण जोशीले प्रतियोगितामा ११टिमको सहभागिता रहेको बताए । इलाका प्रहरी कार्यालय बेलडाँडीको टिम विजेता र आयोजक सिद्धेश्वर जय पृथ्वी क्लब उप विजेता भएको छ ।
बिजेता टिमले नगद २५ र उप विजेता टिमले नगद १५ हजार सहित ट्रपि प्रमाण पत्र पाएका छन । समापन कार्यक्रमका प्रमुख अतिथि समेत रहेका सुदूरपश्चिम प्रदेश सरकार भूमि व्यवस्था कृषि तथा सहकारी मन्त्री बीर बहादुर थापा(पातल)ले सस्कृतिसंगै खेलकुद प्रतियोगिताले थप ग्रामिण भेगको खेलकुद प्रर्बद्धनमा जोडदिए । मन्त्रीका स्वकीय सचिव समेत रहेका कञ्चनपुरका युवा राधाकृष्ण जोशी(ज्वाला)ले परापुर्वकालदेखि शिवनगरमा हुदै आएको शिवरात्रीसंगै प्रतियोगिताले थप धार्मिक, खेलकुद पर्यटनमा टेवा पुगेको बताए । सिद्धेश्वर जय पृथ्वी क्लबका अध्यक्ष तारा खडकाको अध्यक्षतामा भएको कार्यक्रममा सरोकारवाला सहभागि भएका थिए ।